حالانکہ کانگریسی رہنما اس تعلق سے ابھی کچھ بھی کہنے سے گریز کررہے ہیں لیکن جے ڈی یو رہنما لالو پرساد یادو نے راہل کے استعفی پر ایک بڑا بیان دیتے ہوئے کہا ہے کہ راہل کا یہ فیصلہ کانگریس کے لیے نقصاندہ ثابت ہوسکتا ہے۔
لالو پرساد نے ایک انگریزی اخبار کو دیے اپنے انٹرویو میں کہا ہے کہ راہل گاندھی کا قومی صدر کے عہدے سے استعفی دینا نہ صرف ان کی پارٹی کے لیے نقصاندہ ہوگا بلکہ یہ ان سبھی سیاسی اور سماجی طاقتوں کے لیے ایک بڑ اجھٹکا ہوگا جو آر ایس ایس کے خلاف لڑ رہا ہے۔
لالو نے اپنے انٹرویو میں اپوزیشن کی ناکامی کے بارے میں بھی کھل کر بات کی ہے، انھوں نے کہا ہے کہ عام انتخابات اپنی ایک الگ کہانی چھوڑ جاتا ہے بی جے پی کے پاس نریندر مودی کے طور پر ان کا ایک رہنما تھا۔
لیکن اپوزیشن اپنا رہنما منتخب نہیں کرسکا جس کا راست فائدہ بی جے پی کو حاصل ہوا یعنی اپوزیشن کی اس بارات میں کوئی دولہا نہیں تھا، اپوزیشن راہل گاندھی کو اپنے رہنما کے طور پر سامنے رکھ سکتا تھا۔
