روز بروز پیٹرول اور ڈیزل کی قیمتوں میں اضافہ ہوتا جا رہا ہے جس سے عوام سراپا احتجاج ہے۔
پٹرول - ڈیزل کے بڑھتے ہوئے نرخوں کے خلاف بطور احتجاج کانگریس کمیٹی نے نوئیڈا کے نارتھ بلاک کے بشن پورہ مین روڈ پر اپنی شرٹ اتار کر ریلی نکالی۔
کانگریس کا کہنا ہے کہ موجودہ حکومت ہر محاذ پر ناکام ہے اور عوام پریشان ہے ۔عوام سے جینے کا حق بھی چھیننا چاہتی ہے۔
اترپردیش کانگریس کے جنرل سکریٹری چودھری وریندر سنگھ گڈو کی سربراہی میں ، نوئیڈا کے کانگریس کے عہدیداروں نے شہر کے صدر شہاب الدین کی ہدایت پر ڈیزل پٹرول کی بڑھتی ہوئی قیمتوں کو کم کرنے کا مطالبہ کرتے ہوئے بھرپور انداز میں احتجاج کیا۔
اس پروگرام میں اتر پردیش کانگریس کے جنرل سکریٹری چودھری وریندر سنگھ گڈو ، سٹی صدر شہاب الدین، سابق امیدوار راجندر وانا ، فیرے سنگھ ناگر پی سی سی ، اترپردیش کانگریس ممبر چودھری رام کمار تنور ، پرشوتم ناگر یوتھ کانگریس کے ضلعی صدر ، بلاک صدر اونیش تنور ، پرمود شرما پی سی سی ، سینئر نائب صدر جتیندر سنگھ امباوت ، اشوک شرما پی سی سی ، سینئر رہنما سوویندر آوانا ، رضوان چودھری جنرل سکریٹری موجود تھے۔
