راشٹرپتی بھون کی جانب سے جاری ریلیز کے مطابق مسٹر کووند کو آج دوپہر بعد آرمی کے ریسرچ اینڈ ریفرل اسپتال سے ایمس شفٹ کردیا گیا جہاں ماہر ڈاکٹر ان کی صحت کی نگرانی کررہے ہیں۔
ریلیز کے مطابق سبھی ضروری جانچ کے بعد ڈاکٹروں نے انہیں بائی پاس سرجری کی صلاح دی ہے۔ ایسا امکان ظاہر کیا گیا ہے کہ 30 مارچ کو صدر کی بائی پاس سرجری ہوسکتی ہے۔
ریلیز کے مطابق صدر کی حالت مستحکم ہے اور وہ ایمس کے ماہر ڈاکٹروں کی نگرانی میں ہیں۔ مسٹر کووند کو کل سینے میں جکڑن کی شکایت کے بعد فوج کے ریسرچ اینڈ ریفرل اسپتال لے جایا گیا تھا۔
