' ہماری کارکردگی بہت خراب نہیں تھی'

کانگریس کے سینئر رہنما و سابق مرکزی وزیر دفاع اے کے انٹونی نے پارلیمانی انتخابات 2019 میں خراب مظاہرہ کی بات کو خارج کرتے ہوئے کہا کہ یہ کہنا کہ پارٹی کی کارکردگی خراب تھی، غلط ہے۔

نئی دہلی میں اجلاس کے دوران اے کے انٹونی نے کہا کہ اس میٹنگ میں عام مسائل پر بات چیت ہوگی، ہار پر مختصر تبادلہ خیال کیا جائے گا۔

جب اے کے انٹونی سے ہار کا سبب جاننے کی کوشش کی گئی تو انہوں نے کہا کہ ' ہمارے پاس اس وقت ووٹوں کے نتائج کے اعدادو شمار نہیں ہے، اسے دیکھ کر ہم آپ کو بتائیں گے۔ اس کے ساتھ ہی ہار کا کیا سبب ہے اس پر غور کریں گے۔

واضح رہے کہ عام انتخابات 2019 میں بی جے پی قیادت والے قومی جمہوری اتحاد نے شاندار جیت درج کی ہے۔