بدھ کی شام او پی شرما بی جے پی کے دفتر میں ریاستی صدر منوج تیواری سے ملنے آئے تو انہوں نے ای ٹی وی بھارت سے بات چیت کی۔
انہوں نے کہا کہ 'بی جے پی کو امید کے برعکس نتائج آئے، اس پر پارٹی تبادلہ خیال کر رہی ہے۔'
بی جے پی رکن اسمبلی او پی شرما نے کہا کہ 'اسمبلی میں دہلی اور ملک کے مسائل اٹھائیں گے اور وہ دہلی اور ملک کے لیے کام کریں گے۔'
او پی شرما مسلسل تیسری بار رکن اسمبلی منتخب ہوئے ہیں تو پارٹی کی جانب سے کس کردار کی امید کر رہے ہیں اس پر او پی شرما نے صاف کہا ہے کہ 'پارٹی جواب دے گی۔ وہ تمام ذمہ داریاں نبھانے کے لیے تیار ہیں'۔
خیال رہے کہ رکن اسمبلی او پی شرما گزشتہ تین برسوں سے اسمبلی کے کام میں حصہ نہیں لے پائے تھے، کیوں کہ انہوں نے چاندنی چوک سے اس وقت کے رکن اسمبلی الکا لامبا کے خلاف اسمبلی میں بدسلوکی کی تھی۔
اسمبلی کی جاناب سے تشکیل کمیٹی نے انہیں قصوروار پایا تھا۔ جس کے بعد انہیں ایوان کی تین سیشن سے باہر کرنے کا حکم دیا گیا تھا۔
