فی الحال عدالت نے تشدد کے اس معاملے میں پنکی کو ضمانت دینے سے انکار کردیا ہے۔
معلومات کے مطابق 'جگت پوری میں فسادات کی ایف آئی آر 26 فروری کو ایک سب انسپکٹر کے بیان پر درج کی گئی تھی۔'
سب انسپکٹر کے بیان میں کہا گیا ہے کہ 'وہ پولیس فورس کے ساتھ فلیگ مارچ کرنے کھوریجی پٹرول پمپ پہنچے تھے۔ لوگوں کو دوپہر کے وقت سمجھاتے ہوئے وہاں سے ہٹ جانے کی ہدایت کی۔
بیان میں انہوں نے کہا ہے کہ 'اس دوران جب ایس بی آئی بینک کے پاس پہنچے تو پیچھے سے بہت شور اور فائرنگ کی آواز آئی۔ جب وہ مسجد کی گلی کے قریب پہنچے تو وہاں بہت سے لوگ جمع تھے۔ جب ان لوگوں کو وہاں سے جانے کو کہا گیا تو سابق کونسلر عشرت جہاں نے لوگو کو بھڑکانا شروع کر دیا۔'
سب انسپکٹر کے بیان کے مطابق 'عشرت جہاں نے کہا کہ کچھ بھی ہو جائے ہم یہاں سے نہیں ہٹیں گے۔'
اس معاملہ پر پولیس ذرائع نے بتایا کہ 'گرفتاری کے بعد ملزمان کو عدالت میں پیش کیا گیا جہاں سے سابق کونسلر عشرت جہاں کو جیل بھیج دیا گیا ہے۔'
فی الحال عدالت نے ضمانت کی درخواست کو خارج کردیا ہے۔
