جمیعت علماء ہند صوبہ دہلی نے ریاستی سطح پر 5 زون میں لیگل سیل تشکیل دی جس سے براہ راست رابطہ کرکے دہلی فساد متاثرین، مظاہرین اور مذہبی تعصب و نفرت کے شکار متاثرین قانونی امداد حاصل کر سکتے ہیں۔
اس سلسلے میں بات کرتے ہوئے صوبہ دہلی کے جنرل سکریٹری مولانا جاوید قاسمی نے بتایا کہ ان سبھی لیگل سیل کے ذریعہ امداد کے علاوہ قومی و سماجی تحفظ اور امن و امان کو یقینی بنانے اور حصول انصاف کے لیے قانونی طور سے ہر ممکن مدد کی جائے گی ۔
مولانا احرار الحق جوہری قاسمی سکریٹری جمعیت علماء صوبہ دہلی نے سبھی زون کے ذمہ داران سے متعلق معلومات دیتے ہوئے بتایا کہ تمام زونز میں پانچ سے زائد وکلاء کو شامل کیا جائے گا ۔
ان کا کام ان لوگوں کی مدد کرنا ہے جن پر ظلم و زیادتی کی گئی ہو فسادات سے متعلق افراد ہو یا شہریت ترمیمی قانون کے خلاف جاری احتجاج میں حصہ لینے والے مظاہرین سبھی کی قانونی مدد کی جائے گی۔
