دہلی حکومت نے لوگوں کی صحت کو ذہن میں رکھتے ہوئے یہ قدم اٹھایا ہے۔ کورونا وائرس کے تئیں لوگوں کو بیدار بھی کیا جا رہا ہے۔
قابل ذکر ہے کہ لوگوں میں کورونا وائرس تیزی سے پھیل رہا ہے۔ اب تک ملک میں 70 سے زائد معاملے سامنے آ چکے ہیں۔ بھارت میں ابھی تک اس وائرس سے کسی کی جان نہیں گئی ہے۔ حکومت بھی اس کے لیے احتیاطی اقدامات کر رہی ہے۔ اس تعلق سے لوگوں کو ہوشیار رہنے کے لیے کہا جا رہا ہے۔
اسکول کالج بند کیے جانے پر لوگوں نے اپنی رائے رکھی ہے۔ 31 مارچ تک سنیما گھروں اور اسکول کالجوں کو بند کیے جانے پر کچھ لوگوں کا کہنا ہے کہ حکومت کی جانب سے جو بھی اقدامات کیے جا رہے ہیں وہ صحت کو ذہن میں رکھتے ہوئے کیے جا رہے ہیں۔ لیکن اس کی وجہ سے لوگ گھر سے نہیں نکل پا رہے ہیں اور نہ ہی تفریح کر پا رہے ہیں۔
کچھ طلباء کا کہنا ہے کہ حکومت کی جانب سے اسکول اور کالج بند کرنے کا فیصلہ بلکل ٹھیک ہے، کیوںکہ لوگوں کی صحت سے بڑھ کر کچھ نہیں ہے۔
