چاندنی چوک حلقہ کی رکن اسمبلی اور عام آدمی پارٹی کی سینئر رہنما نے اب کجریوال حکومت کے خلاف کیٹس ایمبولینس ملازمین کےذریعہ کی جارہی بھوک ہڑتال کی حمایت کی ہے۔
الکا لامبا نے کیجریوال حکومت کی مخالفت کرتے ہوئے کہا کہ آخر دہلی حکومت کیٹس ملازمین کے ساتھ ایسا رویہ کیوں اپنارہی ہے۔
در اصل کیٹ ایمبولینس سروس کے سیکڑوں ملازمین تقریباً 2 مہینے سے وزیر اعلیٰ کیجریوال کی رہائش گاہ کے پاس دھرنے پر بیٹھے ہیں۔
وہیں دوسری جانب وزیر اعلیٰ اروند کیجروال کا کہنا ہے کہ ان کی ہڑتال غیر قانونی ہے۔
الکا لامبا نے ٹوئٹ کرکے کہاکہ کیٹ ایمبولینس ملازمین کو گذشتہ 3 مہینے سے ان کا محنتانہ تنحواہ نہیں ملی۔ اس لیے وہ گذشتہ 60 دن سے بھوک ہڑتال پر ہیں۔طبیعت خراب ہونے کی وجہ سے تین ملازمین کو اسپتال میں داخل کرایا گیا ہے، انہوں نے کہا کہ آخر دہلی حکومت ان کے ساتھ ایسی نا انصافی کیوں کورہی ہے؟
الکا لامبا نے کہا کہ دہلی حکومت سے میرا مطالبہ ہے کہ ان کے جائز مطالبات کو جلد قبول کیا جائے اور ان کی تنحواہ کو دیا کیا جائے۔
