حال ہی میں جاری کردہ لندن یونیورسٹی میں کیو ایس ورلڈ یونیورسٹی رینکنگ (کیو ایس ڈبلیوور) -2022 میں بھارتی یونیورسٹیوں میں جامعہ ملیہ اسلامیہ ایک جامع ادارہ کے طور پر 6 ویں نمبر پر ہے۔
ہر ادارہ کا تخمینہ چھ کلی میٹرکس کے مطابق کیا گیا ہے جس میں فیکلٹی / طلبا کا تناسب فیکلٹی کے حوالہ جات ، بین الاقوامی فیکلٹی کا تناسب اور بین الاقوامی طلبا کا تناسب شامل ہے۔
جامعہ کو ایک "جامع" ادارہ کے طور پر درجہ بندی میں شامل کیا گیا ہے کیونکہ جامعہ یونیورسٹی متنوع تعلیمی شعبوں میں تعلیم فراہم کرتی ہے۔ کیو ایس 2022 درجہ بندی میں بھارت کے 35 ادارے شامل ہیں۔
کیو ایس رینکنگ نے جے ایم آئی کو دنیا میں 751-800 اور ایشیاء میں 203 پوزیشن پر رکھا ہے۔
جبکہ بھارت کی یونیورسٹیز میں ایک جامع ادارہ کے طور پر اسے 6 ویں پوزیشن پر رکھا گیا ہے۔
حال ہی میں ٹائمز ہائیر ایجوکیشن دی ورلڈ یونیورسٹی رینکنگ- 2021 کے ذریعہ جے ایم آئی کو 601-800 پر درجہ دیا گیا تھا اور اس کی ایشیا رینکنگ میں 180 ویں پوزیشن ہے۔
جے ایم آئی کو این آئی آر ایف 2020 کے مقابلے میں ملک کی یونیورسٹیوں میں 10 ویں نمبر پر رکھا گیا ہے۔
شیخ الجامعہ پروفیسر نجمہ اختر نے کہا کہ“یونیورسٹی نے اپنے قومی اور بین الاقوامی رینکنگ کو بہتر بنانے میں نمایاں پیشرفت ظاہر کی ہے۔
جے ایم آئی میں درس و تدریسی عمدگی کو اس کے بین الاقوامی ساتھیوں کے ساتھ ناپا جا رہا ہے اور اس کی پہچان کی جا رہی ہے۔ یہ ہم سب کے لئے بڑے فخر اور اطمینان کی بات ہے۔
انہوں نے اس کامیابی پر تمام ساتھیوں اور عملے کا شکریہ ادا کیا کہ اور آنے والے سالوں میں درجہ بندی کو مزید بہتر بنانے کی طرف اپنی کوششوں کو جاری رکھنے کی تاکید کی۔
