ماؤنوازوں کے ساتھ تصادم، ایک جوان ہلاک

چھتیس گڑھ کے نارائن پور ابوجھاماڑ علاقے میں آج صبح پولیس کیمپ پر ماؤنوازوں نے اچانک حملہ کردیا۔ اس حملے میں چھتیس گڑھ آرمس فورس کا ایک جوان ہلاک ہوگیا۔

بستر رینج کے پولیس انسپیکٹر جنرل سندر راج پی نے بتایا کہ صبح کریاموٹا چھتیس گڑھ آرمس فورس کا جوان جتیندر گاؤڑے سنتری ڈیوٹی میں تعینات تھا، دور سے نکسلیوں نے سنتری پر نشانہ لگایا، دو گولی چلائی اور گولی سنتری کے سر پر لگی جس سے وہ جائے وقوع پر ہی ہلاک ہوگیا۔

انہوں نے بتایا کہ چھتیس گڑھ آرمس فورس کا کیمپ دنتے واڑہ اور نارائن پور کے درمیان خطرناک جنگل میں بارسور پلی راستے پر واقع ہے۔

سندر راج نے بتایا کہ واقعہ کے بعد پولیس، کیمپ کے باہر سرچنگ پر نکلی ہے۔