بہار میں پورنیہ ضلع کے نگر تھانہ علاقہ کے باگھمارا گاﺅں سے پولیس نے ایک نوجوان کی لاش برآمد کی ہے جو درخت سے لٹکی ہوئی تھی۔
پولیس ذرائع نے یہاں بتایا کہ مقامی لوگوں سے ملی اطلاع کی بنیاد پر باگھمارا گاﺅں میں درخت سے لٹکتی ایک نوجوان کی لاش برآمد کی گئی ہے ۔ لاش کی شناخت ضلع کے نگر تھانہ علاقے کے کھو کھا اتر گاﺅں باشندہ پیارے لال کے طور پر کی گئی ہے ۔ متوفی کے بھائی پنٹو کمار نے بتایا کہ اس کا بھائی کل سے لاپتہ تھا۔
ذرائع نے بتایا کہ نوجوان نے خود کشی کی ہے یا پھر اس کا قتل کیا گیا ہے پولیس دونوں نکات پر تفتیش کر رہی ہے ۔ فی الحال لاش پوسٹ مارٹم کے لئے بھیج دی گئی ہے ۔
