گیا: ریاست بہار کے ضلع گیا کے دو شاعروں کی شاعری کا مجموعہ آج رسم اجراء ہوا جس میں کئی بڑی معروف ادبی شخصیات نے شرکت کی اور دونوں مجموعے کے مصنفین کو مبارکباد پیش کی ہے۔ بہار کے ضلع گیا میں آج دو کتابوں کی رسم اجرا تقریب منعقد ہوئی ان میں ایک معروف بزرگ شاعر ندیم جعفری اور دوسری کتاب جمال گیاوی کی کتاب ہے اور یہ دونوں شعری مجموعہ ہے، یہ دونوں بزرگ شاعر ہیں اور کافی عرصہ سے شاعری کر رہے ہیں۔
معروف مصنف اور انجمن ترقی پسند کے سکریٹری ڈاکٹر احمد صغیر احمد نے بتایا کہ ندیم جعفری کا شعری مجوعہ قریب چالیس برسوں بعد منظر عام پر آیا ہے اس لیے میں انہیں داد دیتا ہوں کہ کم از کم اتنے برسوں کی شاعری کا نتیجہ نکلا ہے جبکہ جمال گیاوی ایک کاتب کے طور پر کافی مقبول اور مشہور تھے۔ علی سردار جعفری اور مجروح سلطان پوری جیسی بڑی شخصیت انہی سے کتابت کراتی تھی، کافی مشہور شاعر تھے لیکن جمال گیاوي نے شاعری میں بھی ہاتھ آزمائے اور انہوں نے برسوں تک شاعری بھی کی۔
مزید پڑھیں: ڈاکٹر قرۃ العین کی کتاب اردو شاعری میں پروشوتم رام کی رسم رونمائی
سنہ 1967 میں پہلی بار ان کی کتاب منظر عام پر آئی اور یہ دوسری کتاب 2023 میں آئی ہے یہ اسی مجموعہ کا ایڈیشن ہے حالانکہ اس میں کچھ اضافہ بھی کیا گیا ہے وہیں گیا کے ادبی حلقہ نے ان دونوں بزرگ شاعروں کو مبارکباد پیش کی ہے اور کہا ہے کہ آنے والے وقت میں جب بھی اردو شاعری کی بات ہوگی گیا کہ ان دونوں شاعروں کی بھی بات ہوگی۔ واضح رہے کہ آج منعقد ہوئی تقریب میں کئی معروف ادبی شخصیات نے شرکت کی بالخصوص معروف نقاد معصوم عزیز کاظمی، شاہد ساز، مسعود منظر، اعجاز مانپوری وغیرہ کا نام قابل ذکر ہے۔
