'کچھ لوگ سیاسی لباس پہن کرگھروں کو لوٹ رہے ہیں'

ریاست بہار کے ضلع کشن گنج میں چوری اور لوٹ کے واردات دن بدن بڑھتے جا رہے ہیں.ضلع کے مختلف علاقوں میں پہلے بجلی غائب کی جاتی ہے اور پھر اندھیرے کا فائدہ اٹھاکر گھروں میں چوری کی جاتی ہے۔

ضلع میں بڑھتے جرائم کے واردات کے سبب دہشت کا ماحول ہے اس کے ساتھ ہی پولس و انتظامیہ کے خلاف لوگوں میں کافی ناراضگی پائی جارہی ہے.

اس مسلئے پر مجلس اتحاد المسلمین کے صوبائی صدر اخترالایمان نے ضلع کلکٹر ہمانشو شرما سے ملاقات کی۔

اس موقع پر اخترالایمان نے میڈیا سے کہا کہ' کشن گنج ضلع کے مختلف علاقوں خاص کر کوچادھامن میں ہر دن چوری، ہر دن چھنتئی(سامان چھین لینا) اور ہر دن راستے میں لوٹ کا معاملہ چل رہا ہے کیوںکہ لٹیروں نے چوروں اور اچکوں نے یہ سمجھ لیا ہیکہ سیاں بھیو کوتوال تو اب ڈر کاہے کا'۔

انھوں نے مزید الزامات عائد کرتے ہوئے کہا کہ' کچھ لوگ سیاسی لباس پہن کر سڑکوں پر ٹرکوں کو اوور لوڈ کے نام پر لوٹ رہے ہیں اور ان کے ماتحت رات کو گھروں کو لوٹ رہے ہیں'۔