لوک سبھا انتخابات کے پیش نظر ریاست بہار کے کشن گنج ضلع میں سیاسی سرگرمیاں عروج پر ہے۔
جہاں ایک طرف سبھی پارٹی کے امیدوار اپنے اپنے طور پر ووٹروں کو رجھانے میں لگے ہوئے ہیں، وہیں دوسری طرف جن ادھیکار پارٹی کے صدر پپو یادو کے مجلس اتحاد المسلمین کے امیدوار اختر الایمان کو حمایت دینے کا فرمان جاری کرنے سے ناراض ضلع صدر جاوید پردھان سمیت سبھی بلاک صدر و دیگر ذمہ داران نے آج پارٹی کو الوداع کہ دیا ہے۔
پارٹی سے استعفیٰ دینے کے بعد میڈیا سے گفتگو کے دوران ضلع صدر جاوید پردھان نے کہا کہ ' وہ کسی بھی صورت میں مجلس اتحاد المسلمین کے امیدوار اخترالایمان کی حمایت نہیں کریں گے کیونکہ مجلس اتحاد المسلمین ایک فرقہ پرست پارٹی ہے، جبکہ کشن گنج ہندو مسلم اتحاد کے لیے پورے ملک میں مشہور ہے'۔
جاوید پردھان نے مزید کہا کہ ' انتخابات تہوار کے مانند ہوتا ہے لیکن پپو یادو نے ہمیں آخر تک اندھیرے میں رکھا گیا، جسے ہم کسی بھی صورت میں قبول نہیں کرسکتے ہیں'۔
