ریاست بہار کے وزیر نیرج کمار آج ارریہ کے بھرگامہ بلاک واقع جے نگر ناگیشوری مندر احاطہ میں ایک تقریب کا افتتاح کرنے پہنچے تھے.
افتتاحی تقریب میں ارریہ کے رکن پارلیمان پردیپ کمار سنگھ اور کئی دیگر رہنما موجود تھے اپنے خطابی کلمات میں وزیر اطلاعات و نشریات نیرج کمار سنگھ نے کہا کہ ان کی پوری کوشش ہوگی کہ بہار کے تفریح و سیاح مقامات میں جے نگر کو اول مقام پر لاؤں.
انہوں نے کہا کہ بہار ملک کا پہلا ریاست ہے جہاں ماں باپ کو اذیت دینے والوں کے خلاف قانون بنا ہے بزرگوں کا احترام کرنا ہماری تہذیب رہی ہے نیرج کمار نے کہا کہ جے نگر سمیت ارریہ کو ترقی کے نقشے پر لے جانا ہماری پہلی ترجیح ہے جس کے لئے نتیش حکومت پرعزم ہے۔
وہیں ارریہ رکن پارلیمان پردیپ کمار سنگھ نے کہا کہ باسا کے سابق صدر محبوب رہنما وجندر سنگھ کا انتظامیہ محکمہ میں بڑا نام رہا ہے۔ وہ معاشرے کے لئے ہمیشہ فکر مند رہے ہیں ان کے خواب کو پورا کرنا ہم سب کا فریضہ ہے، جل جیون ہریالی کے تحت جے نگر کو خوبصورت بلاک بنایا جائے گا۔
