پٹنہ: بہار کے دارالحکومت پٹنہ میں ایک سنسنی خیز قتل کا معاملہ سامنے آیا ہے۔ ضلع کے نوبت پور میں معاشقہ کے شبہ پر ایک باپ نے اپنی بیٹی کو 5 گولیاں ماری جس کے بعد بیٹی شدید طور پر زخمی ہوگئی۔ موقع پر موجود اہل خانہ نے بیٹی کو زخمی حالت میں بیہٹا کے ایک پرائیویٹ اسپتال میں داخل کرایا جہاں اس کا علاج جاری ہے۔ Father shoots daughter
اطلاعات کے مطابق نوبت پور تھانہ علاقہ کے رینگنیا باغ گاؤں کے رہائشی رشی دیو پرساد نے اپنی 21 سالہ بیٹی مدھو کماری کو ہفتہ کے روز گولی مار کر موقع سے فرار ہو گیا۔ فائرنگ کے واقعہ سے گاؤں میں خوف و ہراس کا ماحول ہے۔
بتایا جاتا ہے کہ 'بیٹی کے معاشقہ کے معاملے پر کئی روز سے باپ رشی دیو پرساد ناراض چل رہا تھا۔ کئی بار باپ، بیٹی کے درمیان جھگڑا بھی ہوچکا تھا۔ اس دوران آج رشی دیو پرساد کو جیسے ہی موقع ملا اس نے بیٹی کو گولی مار دی جس سے وہ شدید طور پر زخمی ہوگئی۔ واقعے کے بعد والد موقع سے فرار ہوگیا۔
مزید پڑھیں:
اہل خانہ نے بیٹی کو زخمی حالت میں بیہٹا کے ایک پرائیویٹ اسپتال میں داخل کرایا جہاں اس کی حالت نازک بنی ہوئی ہے۔ معاملے کے بعد جائے وقوع پر پہنچی پولیس نے متاثرہ کی ماں منورما دیوی سے پوچھ تاچھ کرنے کوشش کی لیکن ماں نے کچھ بتانے سے گریز کرتے ہوئے کہا کہ 'باپ کی غلطی سے بیٹی کو گولی لگ گئی۔
