گیا : جعلی برتھ سرٹیفکیٹ بنانے والا وکیل گرفتار

ریاست بہار کے گیا میونسپل کارپوریشن میں برتھ سرٹیفکیٹ اور ڈیتھ سرٹیفکیٹ بنانے کا فرضی معاملہ سامنے آیا ہے۔

میونسپل کارپوریشن نے ایک وکیل کو پکڑ کر تھانہ کے سپرد کیا ہے ۔

گیا کے سول لائن تھانہ کی پولیس نے جعلی سرٹیفکیٹ بنانے کے معاملے میں ایک جعلساز کو گرفتار کیا گیا ہے۔

اس سلسلے میں نگر میونسپل کارپوریشن کے برتھ اور ڈیتھ سرٹیفکیٹ شاخ کے افسر راکیش کمار نے تحریری طور پر شکایت درج کرائی ہے۔

میونسپل کارپوریشن کے کورڈینیٹر شیلیندر نے بتایا کہ ایک شخص میونسپل کارپوریشن میں سرٹیفکیٹ لے کر آئے، اسکول نے سرٹیفیکیٹ کو فرضی بتایا ہے۔

ان سے جب پوچھا گیا کہ سرٹیفکیٹ کہاں سے بنوایا ہے تو انہوں نے ایک ایسے شخص کا نام لیا جو پیشے سے وکیل ہے۔اس وکیل کا عرفی نام ببلو ہے۔

اس کے بعد میونسپل کارپوریشن کے گارڈز تفتیش کے لیے پہنچے تو ملزم کے پاس سے متعدد برتھ سرٹیفکیٹ برآمد ہوئے ۔

انہوں نے کہا میونسپل کارپوریشن نے سرٹیفیکیٹ بنانے کے لیے خصوصی انتظامات کئے ہیں، سارا کام آن لائن ہوتا ہے، فارم آف لائن بھی جمع ہوتے ہیں۔

سرٹیفکیٹ جانچ کے بعد فرضی پایا گیا ہے۔ اس کے بعد وکیل کے خلاف کارروائی کے لئے تھانہ بھیج دیا گیا ہے۔

انہوں نے کہا کہ جعلساز وکیل ہے یا نہیں ہے۔

اس کی بھی تفتیش کی جائے گی ۔

واضح رہے کہ کہ میونسپل کارپوریشن کے دفتر سے اس طرح سے جعلی سرٹیفکیٹ کے معاملے پہلے بھی پیش آچکے ہیں۔

میونسپل کمشنر ساون کمار نے باشندوں سے اپیل جاری کی ہے کہ وہ کاونٹر پر ہی آکر اپنے کاغذات بنوائیں، کسی دلال اور جعلساز کے چکر میں نہیں پڑیں۔