'ماں کی گود اسکیم پر انٹرمیڈیٹ تک عمل کیاجائے گا'

ریاست آندھرا پردیش کے وزیر تعلیم  اے سریش نے کہا کہ ریاستی حکومت کی جانب سے تعلیم کے فروغ کے لیے  شروع کردہ اسکیم 'اماں ووڈی' پر ماں کی گود سے ہی موثر عمل کیا جائے گا۔

اے سریش نے آج اسمبلی میں وقفہ سوالات کے دوران پوچھے گئے ایک سوال کے جواب میں کہا کہ انٹرمیڈیٹ تک 'اماں ووڈی' اسکیم پر عمل کیا جائے گا۔

سریش کے مطابق دوپہر کے کھانے کی اسکیم کے تحت معیاری غذا فراہم کی جارہی ہے۔پرائیویٹ تعلیمی اداروں میں طلبہ سے زائد فیس کی وصولی کرنے والوں کے خلاف سخت کارروائی کی جائے گی۔

انہوں نے کہاکہ پرائیویٹ تعلیمی اداروں کو خدمت کے جذبہ کے ساتھ چلانا چاہئے۔

واضح رہے کہ وائی ایس آر کانگریس کے ریاست میں برسر اقتدار آنے کے بعد وزیراعلیٰ جگن موہن ریڈی نے اس اسکیم کی شروعات کی ہے جس کا اہم مقصد ماؤں کو مالی امداد فراہم کرنا ہے تاکہ رقم نہ ہونے کے سبب مائیں اپنے بچوں کو ترک تعلیم کیلئے مجبور نہ کریں۔