سرینگر سے عسکریت پسند گرفتار

جموں و کشمیر کے دارالحکومت سرینگر سے ایک عسکریت پسند اور اس کے تین معاون کو گرفتار کیا گیا ہے۔

گرفتار شدہ عسکریت پسند کی شناخت وکیل احمد بٹ ولد نظر احمد بٹ کے طور پر ہوئی ہے جبکہ اس کے معاون کی شناخت اقراء، سائمہ اور عمر کے طور پر کی گئی ہے۔

وکیل احمد بٹ کا تعلق جنوبی ضلع اننت ناگ کے بجبہاڑہ کے پزلپورہ سے ہے اور وہ لشکر طیبہ سے وابستہ ہیں۔

سکیورٹی فورسز نے انہیں سرینگر سے گرفتار کیا ہے اور ان کے قبضے سے ایک پستول اور ایک گرینیڈ برآمد کیا گیا ہے۔