اس ڈرا کے سبب ایسٹ بنگال 14 میچوں میں 19 پوائنٹ کے ساتھ پانچیوں پوزیشن پر پہنچ گئی ہے جبکہ چرچل برادرس 13 میچوں میں 20 پوائنٹ کے ساتھ تیسری پوزیشن پر ہے
اس کے علاوہ موہن بگان 32 پوائنٹ کے ساتھ لئگ ٹیبل میں پہلی پوزیشن پر ہے اور خطابی دوڑ میں حریف ٹیموں سے 10 پوائنٹ کی سبقت بنارکھی ہے۔
مغربی بنگال کے دارلحکومت کولکاتا میں واقع سالٹ لیک اسٹیڈیم میں کھیلے گئے آ ئی لیگ کے ایک اہم میچ میں مزیبان ایسٹ بنگال اور چرچل برادرس کی ٹیمیں آمنے سامنے ہوئیں۔
دونوں ٹیموں کے درمیان دلچسپ اور سنسنی خیز مقابلہ ہوا۔ دونوں جانب سے پے در پے حملے دیکھنے کوملے ۔
کھیل کے 10 ویں منٹ پر ولس پلازا نے گول کرکے چرچل برادرس کوایک صفر کی سبقت دلائی۔
پہلے ہاف کے اختتام تک میزبان ٹیم ایسٹ بنگال ایک صفر کی سبقت ختم کرنے کی بھر پور کوشش کی لیکن مہمان ٹیم کی دفاعی دیوار میں شگاف ڈالنے میں ناکام رہی۔
دوسرے ہاف میں بھی دونوں ٹیموں کی جانب سے جارحانہ کھیل دیکھنے کوملا۔
میزبان ٹیم ایسٹ بنگال نے جارحانہ حکمت عملی پر عمل کرتے ہوئے مہمان ٹیم پر پے در پے حملہ کیا۔ لگاتار حملے کے سبب چرچل برادرس پر دباؤ بننے لگا۔
کھیل کے انجوری ٹائم میں جیمی سنٹوس نے گول کرکے ایسٹ بنگال کو صرف برابری پر لا کھڑا کیا بلکہ اپنی ٹیم کو ریلیگیشن کے دلدل سے نکالنے میں بھی کامیابی حاصل کی ۔
