کین ولیمسن بھارت کے خلاف ٹیسٹ چیمپیئن شپ فائنل میں پہلی اننگ میں 49 رزن اور 52 رنز کی اننگ کی بدولت 13 ریٹنگ پوائنٹس کے فائدے کے ساتھ اوور آل 901 پوائنٹس کے ساتھ نمبر ایک پر پہنچ گئے ہیں۔
ولیمسن نے آسٹریلیا کے اسٹیو اسمتھ کو پچھاڑ کر پہلا مقام حاصل کیا ہے۔ اسمتھ 891 ریٹنگ پوائنٹس کے ساتھ پر اب دوسرے مقام پر کھسک گئے ہیں۔ ولیمسن نے اس سے پہلے نومبر 2015 میں آسٹریلیا کے خلاف سیریز کے دوران نمبر ایک مقام حاصل کیا تھا۔
کیوی کپتان ولیمسن کے علاوہ نیوزی لینڈ کے کئی کھلاڑیوں کو درجہ بندی میں فائدہ ہوا ہے جس میں تجربہ کار بلے باز راس ٹیلر، ٹرینٹ بولٹ، ڈیوون کانوے اور کائل جیمیسن شامل ہیں۔
ٹیسٹ چیمپیئن شپ کے فائنل کی دوسری اننگ میں ناٹ آؤٹ 47 رن بنانے اور ولیمسن کے ساتھ 96 رنز کی فاتحانہ پارٹنر شپ کی بدولت ٹیلر کو تین مقام کا فائدہ ہوا اور وہ 14 ویں مقام پر آ گئے ہیں جبکہ پہلی اننگ میں نصف سنچری بنانے والے ڈیوون کانوے 18 پوائنٹس کے اضافے کے ساتھ 42 ویں نمبر پر پہنچ گئے ہیں۔
اس کے علاوہ گیند بازوں کی درجہ بندی میں تیز گیند باز کائل جیمیسن اور ٹرینٹ بولٹ کو فائدہ ہوا ہے۔ ڈبلیو ٹی سی فائنل میں 7 وکٹ لینے والے جیمیسن اپنے کریئر کے بہترین 13 ویں جبکہ بولٹ دو مقام کی چھلانگ کے ساتھ 11 ویں مقام پر آ گئے ہیں۔
یہ بھی پڑھیں: آئی سی سی نے تبدیل کئے ٹیسٹ چیمپیئن شپ کے رولز
دوسری جانب بھارتی ٹیسٹ ٹیم کے نائب کپتان اجنکیا رہانے بلے بازوں کی درجہ بندی میں تین مقام کے فائدے کے ساتھ 13 ویں مقام پر پہنچ گئے ہیں۔ وہیں رویندر جڈیجہ آل راؤنڈرز کی فہرست میں پہلے مقام سے کھسک کر دوسرے پر چلے گئے۔
ٹی 20 رینکنگ میں ویسٹ انڈیز کے سلامی بلے باز ایوین لوئس کو تین مقام کا فائدہ ہوا ہے اور وہ 13 ویں سے 10 ویں مقام پر پہنچ گئے ہیں جبکہ لیفٹ آرم اسپنر فیبین ایلین 23 مقام کی چھلانگ کے ساتھ گیند بازی کی رینکنگ میں 20 ویں مقام پر آ گئے ہیں۔
جنوبی افریقہ کے کونٹن ڈی کاک بلے بازوں کی رینکنگ میں 22 ویں، ریزا ہینڈرکس 24 ویں اور کپتان ٹیمبا باؤما 24 مقامات کی چھلانگ کے ساتھ 64 نمبر پر پہنچ گئے ہیں۔
یہ بھی پڑھیں: کھیل رتن ایوارڈ کے لیے متالی اور اشون کے نام کی سفارش
انگلینڈ کی سری لنکا پر تین میچوں کی ٹی 20 سیریز میں 3-0 سے جیت کی بدولت انلگینڈ کے کئی کھلاڑی رینکنگ میں اوپر کی جانب بڑھے ہیں۔
گیند بازوں کی رینکنگ میں کرس جارڈن پانچ مقامات کے فائدے کے ساتھ 11 ویں، مارک وُوڈ 11 مقام کے فائدے کے ساتھ 14 ویں، سَیم کرین 62 مقامات کے فائدے کے ساتھ 39 ویں اور ڈیوڈ وِلی 23 مقامات کی چھلانگ کے ساتھ 51 ویں نمبر پر پہنچ گئے ہیں۔
اس درمیان سری لنکا کے وانندو ہسارنگا پانچ مقام کی چھلانگ کے ساتھ پانچویں اور دُشمنتا چمیرا 41 مقام اوپر بڑھ کر 43 ویں نمبر پر پہنچ گئے ہیں.
- بلے بازوں کی آئی سی سی ٹیسٹ رینکنگ
| کین ولیمسن | نیوزی لینڈ | 901 |
| اسٹیو اسمتھ | آسٹریلیا | 891 |
| مرنس لابیوشین | آسٹریلیا | 878 |
| وراٹ کوہلی | بھارت | 812 |
| جو روٹ | انگلینڈ | 797 |
| روہت شرما | بھارت | 759 |
| رشبھ پنت | بھارت | 752 |
| ڈیوڈ وارنر | آسٹریلیا | 724 |
| کوئنٹن ڈی کاک | جنوبی افریقہ | 717 |
| ہینری نکولس | نیوزی لینڈ | 714 |
