نئی دہلی: قومی دارالحکومت نئی دہلی میں واقع ارون جیٹلی اسٹیڈیم میں آئی سی سی ورلڈ کپ 2023 کے 9ویں میچ میں میزبان ہندوستان اور افغانستان کی ٹیمیں آمنے سامنے ہوئیں۔آج کے میچ میں ہندوستان فیورٹ ہے مگر افغانستان کو بھی کسی نظر انداز نہیں کیا جا سکتا ہے۔ ہندوستان نے اپنے پہلے میچ میں آسٹریلیا کو چھ وکٹوں سے شکست دے کر آئی سی سی ورلڈ کپ میں اپنی مہم کا فاتحانہ آغاز کیا جبکہ افغانستان کو پہلے ہی میچ میں بنگلہ دیش کے خلاف شکست کا سامنا کرنا پڑا تھا۔
ہندوستانی کرکٹ ٹیم 50 اوورز فارمیٹ کے تمام شعبوں میں مضبوط اور متوازن ہے۔مگر آج کے میچ میں تبدیلی متوقع ہے کیونکہ پچ پر گھاس ہے اور اس سے تیز گیندبازوں کو تھوڑی مدد مل سکتی ہے۔اس لئے امید کی جا سکتی ہے بالنگ لائن میں تبدیلی ممکن ہے۔
