بھارتی کرکٹ ٹیم کے اسٹار بلے باز اور کپتان وراٹ کوہلی نے دنےائے کرکٹ میں کسی بھی ملک کے خلاف سب سے زیادہ سنچری بنانے والوں کی فہرست میں پہلی پوزیشن حاصل کرلی ہے ۔ وراٹ نے اس کارنامے کے ساتھ ماسٹر بلاسٹر سچن تیندولکر کے ریکارڈ کی برابری بھی کرلی ۔
وراٹ نے بدھ کو ویسٹ انڈیز کے خلاف تیسرے ون ڈے میچ میں ناٹ آوٹ 114 رنز کی اننگز کھیلی اور اپنے ون ڈے ون ڈے کیریئر کی43 ویں سنچری مکمل کی۔
اس سنچری کے ساتھ ہی انہوں نے ویسٹ انڈیز کے خلاف نو سنچری بنائی اور سچن کے آسٹریلیا کے خلاف نو سنچریوں کے ریکارڈ کی برابری کرلی۔
سچن نے آسٹریلیا کے خلاف اپنی 70 اننگز میں نو سنچری مکمل کی تھی جبکہ وراٹ نے ویسٹ انڈیز کے خلاف 35 اننگز میں نو سنچری بناکر سچن کے ریکارڈ کی برابری کر لی۔
وراٹ نے آسٹریلیا اور سری لنکا کے خلاف آٹھ آٹھ سنچری بنائی ہے۔ سچن کی سری لنکا کے خلاف آٹھ سنچریاں ہیں۔
