مینک اگروال نے آسٹریلیا کے دورے پر اپنے ٹیسٹ کریئر کا آغاز کیا تھا اور اب عالمی کپ میں اپنے یک روزہ کریئر کی شروعات کریں گے۔
اس سے قبل مینک اگروال کو آسٹریلیا کے دورے پر ایک ٹیسٹ میچ میں موقع ملا تھا جس میں انہوں نے پہلی اننگ میں 76 رنز اور دوسری اننگ میں 42 رنز بنائے تھے۔
عالمی کپ 2019 میں وجے شنکر نے تین اننگز میں 29 کو اوسط سے 58 رنز بنائےہیں اور 2 وکٹیں حاصل کی ہیں۔
شنکر کے لیے یہ عالمی کپ اس لیے بھی یادگار ہوگا کہ انہوں نے اپنے پہلے عالمی کپ کے پہلے میچ کی پہلی ہی گیند پر وکٹ حاصل کیا تھا اور ایسا کرنے والے پہلے بھارتی کھلاڑی ہونے کا اعزاز حاصل کیا تھا۔
دوسری جانب مینک اگروال نے فرسٹ کلاس کرکٹ میں گزشتہ دو برسوں میں شاندار کارکردگی کا مظاہرہ کیا ہے اور 31 اننگز میں 58.23 کے اوسط سے 1747 رنز بنائے ہیں، اس دوران انہوں نے 7 سنچری اور 6 نصف سنچری بنائی ہے۔
جبکہ انگلینڈ کی سرزمین پر بھی اگروال کی کارکردگی بہترین رہی ہے، انہوں نے 6 اننگز میں تین سنچریوں کی بدولت 88.40 کے اوسط سے 442 رنز بنائے ہیں۔
