افریقی گیندبازوں کا شرمناک ریکارڈ

بھارت اور جنوبی افریقہ کے مابین حال ہی میں ختم ہونے والی ٹیسٹ سیریز میں بھارت نے جنوبی افریقہ کو کلین سویپ کیا ہے جبکہ اس کے(جنوبی افریقہ) گیندبازوں نے ایک شرمناک ریکارڈ بنا لیا ہے۔

تین ٹیسٹ میچوں کی سیریز میں بھارتی بلے بازوں نے جنوبی افریقہ کے گیند بازوں کی جم کر دھنائی کی اور تینوں میچوں میں ناکوں چنے چبوائے۔
بھارت کی جانب سے روہت شرما سب سے کامیاب بلے باز رہے جنہوں نے دو سنچری اور ایک ڈبل سنچری کی مدد سے تین میچوں میں 529 رنز بنائے اور مین آف دی سیریز کا ایوارڈ حاصل کیا۔

روہت شرما نے سیریز میں افریقہ گیند بازوں کی جم کر دھنائی کی

اس دوران روہت شرما نے سیریز میں مجموعی طور پر 19 چھکے لگائےجو جسی بھی بلے باز کی جانب سے ایک سیریز میں لگائے جانے والے سب سے زیادہ چھکے ہیں۔روہت شرما جنوبی افریقہ کے گیندباز ڈین پیٹ اس سیریز میں سب سے زیادہ چھکے کھانے والے گیند باز بن گئے ہیں، ان کی گیندوں پر بھارتی بلے بازوں نے 20 چھکے لگائے ہیں جو کسی بھی گیند باز کو ایک سیریز میں لگائے گئے سب سے زیادہ چھکے ہیں، اس معاملے میں دوسرے نمبر پر جنوبی افریقہ کے ہی کیشو مہاراج ہیں، انہوں نے 16 چھکے کھائے ہیں، جبکہ بھارت کی جانب سے رویندر جڈیجہ نے سب سے زیادہ چھکے کھائے ہیں، ان کی گیندوں پر افریقہ کھلاڑیوں نے 11 مرتبہ چھکہ لگایا ہے جبکہ اشون نے پانچ چھکے کھائے ہیں۔روہت شرما نے اس سیریز میں 19 چھکے لگائے ہیں جس میں انہوں نے ڈین پیٹ کو 11، کیشو مہاراج کو 5 کگیسو ربادا کو 2 اور اینرک نارٹجے کو ایک چھکہ لگایا ہے۔