سابق کپتان نے ٹویٹ کر کے سلیکٹرز کو نشانہ بنایا ہے، انہوں نے لکھا کہ 'کئی ایسے کھلاڑی ہیں جو ہر فارمیٹ میں بہتر کھیل سکتے ہیں، اور ویسٹ انڈیز دورے کے لیے رہانے اور شبھمان کو ٹیم میں شامل نا کرنے پر حیرانی ہوئی۔
گنگولی نے دوسرے ٹویٹ میں لکھا کہ اب وقت آ گیا ہے کہ ٹیم میں ایسے کھلاڑیوں کو شامل کیا جائے جو تینوں فارمیٹ مین خود اعتمادی اور اپنا فارم حاصل کر سکیں، اور چند ہی کھلاڑی ایسے ہیں جو کھلاڑی تینوں فارمیٹ میں کھیل رہے ہیں۔
واضح رہے کہ ویسٹ انڈیز دورے کے لیے وراٹ کوہلی تینوں فارمیٹ میں ٹیم کی قیادت کریں گے۔
ایسا قیاس لگایا جا رہا تھا کہ ویسٹ انڈیز دورے پتر شبھمان گل کو موقع مل سکتا ہے لیکن ایسا نہیں ہوا، شبھمان نے حال ہی میں اختتام پذیر ویسٹ انڈیز اے ٹیم کے خلاف شاندار بلے بازی کا مظاہرہ کرتے ہوئے 5 میچوں میں 218 رنز بنائے تھے،
بھارتی ٹیم ویسٹ انڈیز کے خلاف دو ٹیسٹ، تین یک روزہ اور تین ٹی 20 میچز کھیلے گی۔
