بھارتی کرکٹ ٹیم پر نیوزی لینڈ کے خلاف ویلنگٹن میں گزشتہ روز کھیلے گئے چوتھے ٹی -20 میچ میں سست اوور ریٹ کے لئے اس کی میچ فیس کا 40 فیصد جرمانہ عائد کیا گیا ہے۔
گزشتہ تقریبا چھ سالوں میں یہ پہلا موقع ہے جب بھارت پر سست اوور ریٹ کے لئے جرمانہ لگایا گیا ہے۔
بھارتی ٹیم مقررہ وقت میں دو اوور پیچھے تھی۔آئی سی سی میچ ریفری کرس براڈ نے یہ جرمانہ عائد کیا ہے۔
سست اوور ریٹ میں کھلاڑیوں کی میچ فیس کے 20 فیصد کا فی اوور جرمانہ لگایا جاتا ہے اور بھارتی ٹیم دو اوور سست تھی۔
اس جرمانے کی وجہ سے بھارت کا 264 میچوں کا بغیر کسی جرمانے کا چلا آ رہا سلسلہ تھم گیا۔
بھارتی کپتان وراٹ کوہلی نے جرمانہ کو قبول کر لیا ہے لہذا معاملے میں رسمی سماعت کی ضرورت نہیں پڑی۔وراٹ کی کپتانی میں سست اوور ریٹ کے لئے جرمانے کا یہ پہلا معاملہ ہے۔
بھارت نے اس میچ میں نیوزی لینڈ کو سپر اوور میں شکست دے کر پانچ میچوں کی سیریز میں 4-0 کی برتری حاصل کرلی ہے۔
سیریز کا پانچواں اور آخری میچ اتوار کو ماؤنٹ موگاني میں کھیلا جائے گا۔
