BCCI Central Contracts بی سی سی آئی نے خواتین کے لیے سینٹرل کنٹریکٹ کا اعلان کیا

بی سی سی آئی نے 2022-23 سیزن کے لیے ہرمن پریت کور، اسمرتی مندھانا اور دیپتی شرما کو اپنے سینٹرل کنٹریکٹ میں اے گریڈ میں رکھا ہے۔ بورڈ نے حال ہی میں خواتین اور مرد کھلاڑیوں کی تنخواہ بھی برابر کر دی ہے۔ BCCI Central Contracts

ممبئی: بورڈ آف کنٹرول فار کرکٹ ان انڈیا (بی سی سی آئی) نے جمعرات کو 2022-23 سیزن کے لیے سینئر خواتین ٹیم کے سالانہ معاہدے کا اعلان کیا۔ کپتان ہرمن پریت کور نائب کپتان اسمرتی مندھانا اور آل راؤنڈر دیپتی شرما نے آئندہ سیزن کے لیے بی سی سی آئی کے سینٹرل کنٹریکٹ کی فہرست میں ٹاپ اے گریڈ حاصل کی ہے۔ گذشتہ برس ٹاپ بریکٹ میں پانچ کھلاڑی تھی، لیکن اس بار راجیشوری گائیکواڈ کو گریڈ بی اور پونم یادو کو سینٹرل کنٹریکٹ سے مکمل طور پر باہر کر دیا گیا ہے۔ جمائما روڈریگس، ریچا گھوش اور شیفالی ورما جیسی نوجوان صلاحیتوں کو گریڈ بی میں رکھا گیا ہے۔ جمائما، رچا اور رینوکا ٹھاکر نے خواتین کے ورلڈ کپ 2022 اور خواتین کے ٹی 20 ورلڈ کپ 2023 میں اپنی شاندار کارکردگی کے بعد گریڈ-C سے گریڈ-B میں چھلانگ لگائی ہے۔

• 🚨 NEWS 🚨: BCCI announces annual player retainership 2022-23 - Team India (Senior Women). #TeamIndia
  
  More Details 🔽https://t.co/C4wPOfi2EF

  — BCCI Women (@BCCIWomen) April 27, 2023 " class="align-text-top noRightClick twitterSection" data="

  🚨 NEWS 🚨: BCCI announces annual player retainership 2022-23 - Team India (Senior Women). #TeamIndia
  
  More Details 🔽https://t.co/C4wPOfi2EF

  — BCCI Women (@BCCIWomen) April 27, 2023

  ">

  🚨 NEWS 🚨: BCCI announces annual player retainership 2022-23 - Team India (Senior Women). #TeamIndia
  
  More Details 🔽https://t.co/C4wPOfi2EF

  — BCCI Women (@BCCIWomen) April 27, 2023

کئی نئے چہروں جیسے میگھنا سنگھ، دیویکا ویدیا، سبینینی میگھنا، انجلی سروانی، رادھا یادو اور یستیکا بھاٹیہ کو گریڈ سی کیٹیگری میں ان کے پہلے سینٹرل کنٹریکٹ سونپا گیا ہے۔ اسنیہ رانا اور ہرلین دیول نے فہرست میں اپنی پوزیشن برقرار رکھی ہے جبکہ پوجا وستراکر گریڈ-بی سے گریڈ-سی میں آئی ہیں۔ متھالی راج اور جھولن گوسوامی کے نام بھی پچھلے سال کی سینٹرل کنٹریکٹ لسٹ سے غائب ہیں۔ دونوں تجربہ کار کھلاڑیوں نے گزشتہ ایک سال میں بین الاقوامی کرکٹ سے ریٹائرمنٹ کا اعلان کردیا تھا۔

بھارتی خواتین نے گزشتہ برس بین الاقوامی کرکٹ میں شاندار کارکردگی کا مظاہرہ کیا۔ خواتین کے عالمی کپ 2022 کے گروپ مرحلے میں ناک آؤٹ ہونے کے بعد ہرمن پریت کور کی ٹیم نے برمنگھم کامن ویلتھ گیمز میں کرکٹ کے افتتاحی ایڈیشن میں چاندی کا تمغہ حاصل کیا۔ بھارتی خواتین بھی ریکارڈ ساتویں بار ایشیا کپ جیتنے کے بعد ویمنز ٹی 20 ورلڈ کپ 2023 کے سیمی فائنل تک پہنچیں۔

بی سی سی آئی سینٹرل کنٹریکٹ لسٹ:

گریڈ اے: ہرمن پریت کور، اسمرتی مندھانا، دیپتی شرما۔

گریڈ بی: رینوکا ٹھاکر، جمیما روڈریگس، شیفالی ورما، رچا گھوش، راجیشوری گایکواڈ۔

گریڈ سی: میگھنا سنگھ، دیویکا ویدیا، سبینینی میگھنا، انجلی سروانی، پوجا وستراکر، سنیہ رانا، رادھا یادو، ہرلین دیول، یاستیکا بھاٹیہ۔

یواین آئی