فلم ساز کا ماننا ہے کہ دیہی علاقوں میں اب بھی ذات برادری کی بنیاد پر سماجی تفریق ابھی بھی جاری ہے۔ اس لیے اس فلم کے ذریعے لوگوں میں بیداری پیدا ہوگی۔
فلم کے اہم اداکار آیوشمان کھرانہ نے میڈیا کو بتایا 'فلم بنانے کی ایک وجہ یہ بھی رہی ہے کہ ہم بھارت کے دیہی علاقوں تک پہنچنا چاہتے ہیں۔ انہوں نے کہا کہ وہ ان مقامات تک پہنچنا چاہتے ہیں جہاں ابھی بھی ذات برادری کی بنیاد پر ابھی بھی لوگوں کے ساتھ امتیازی سلوک ہوتا ہے'۔
انہوں نے مزید کہا کہ اگر ہم ایک آرٹ فلم بناتے ہیں اور بین الاقوامی پروگرام میں جاتے ہیں تو ہم محض ان ناظرین تک پہنچ پائیں گے جو پہلے سے ہی تفریق کے بارے میں جانتے ہیں۔
انہوں نے کہا کہ 'لیکن اگر ہم دیہی علاقوں تک پہنچتے ہیں تو ہم ان کی سوچ میں تبدیلی لا سکتے ہیں'۔
فلم ساز انوبھو سنہا نے کہا 'ہم موبائل اسکرینگ کرنے کا منصوبہ بنا رہے ہیں۔ فلم کی اسپیشل اسکرینگ سے ہرکسی کی اس تک پہنچ ہوگی'۔
فلم میں آیوشمان ایک پولیس افسر کا کردار ادا کر رہے ہیں جو دلت لڑکیوں کے ریپ اور قتل معاملے کی جانچ کے لیے ایک گاؤں جاتے ہیں۔