رنبیر اور دیپیکا کی جوڑی شائقین کو بےحد پسند ہے۔ فلم بچنا اے حسینوں، یہ جوانی ہے دیوانی اور تماشا میں دونوں کا تال میل شائقین کو بہت پسند آیا۔ کہا جارہا ہے کہ دونوں ایک بار پھر سے بڑے پردے پر ساتھ نظر آنے کی تیاری میں ہیں اور یہ فلم لو رنجن کی اگلی فلم ہوگی۔
ایسی خبریں ہیں کہ اس فلم کے لئے دیپیکا کا سلیکشن کر لیا گیا ہے، جس میں اجے دیوگن بھی ہوں گے۔ کہا جا رہا ہے کہ اجے اس فلم میں رنبیر کپور کے باپ کے رول میں نظر آئیں گے۔ کہا جا رہا ہے کہ اس فلم پر اس سال کے آخر تک کام شرو ع ہو جائے گا۔ دیپیکا اس وقت کبیر خان کی ہدایت کاری میں بننے والی فلم ’83‘ کی شوٹنگ کررہی ہیں، جس میں ان کے شوہر رنویر سنگھ مرکزی رول میں ہیں۔
یہ فلم سال 1983میں انڈین کرکٹ ٹیم کے ورلڈ کپ جیتنے پر مبنی ہے اور رنویر اس میں کرکٹر کپِل دیو کا کردار ادا کر رہے ہیں۔
