سیف علی خان کی فلم ’جوانی جان من‘ جلد ہی ریلیز ہونے والی ہے۔ اس فلم کے ذریعے پوجا بیدی کی بیٹی علایہ بالی ووڈ میں ڈیبیو کرنے جا رہی ہیں۔ حال ہی میں ’جوانی جان من‘ کا ٹریلر ریلیز کیا گیا، جس میں علایہ کو کافی پسند کیا گیا۔ سیف نے بتایا کہ ’جوانی جان من‘ کے لیے پہلے ان کی بیٹی کو اپروچ کیا گیا تھا۔
سیف نے کہا کہ چونکہ سارہ کی پہلی فلم ’کیدارناتھ‘ بند ہونے کے دہانے پر پہنچ گئی تھی تو ’جوانی جان من‘ سارہ کو آفر کی گئی تھی۔ اس وقت سارہ کے پاس کوئی فلم نہیں تھی تو اس لیے انہوں نے سارہ سے ’جوانی جان من‘ کرنے کے بارے میں پوچھا تھا۔
سیف نے کہا کہ بعد میں جب ’کیدارناتھ‘ ٹریک پر واپس لوٹ آئی اور پھر سارا کو ’سمبا‘ بھی مل گئی تو انہوں نے سارا کو سمجھایا تھا کہ وہ صرف ان کی خاطر یہ فلم نہ کرے بلکہ انہیں تو رنویر سنگھ اور ورون دھون جیسے ستاروں کے ساتھ کام کرنے کا موقع مل رہا ہے اور اس طرح یہ فلم پھر علایہ کو مل گئی۔
