کورونا وبا نے ایک طرف عام وخاص کی زندگی متاثر کی ہے ۔تو مجرموں نے بھی اب کھلے عام دہشت پھیلاناشروع کردیا ہے ، لاک ڈاون کو بہتر ڈھنگ سے نافذ کرنے میں لگی پولیس کی مصروفیت کافائدہ اٹھا کر بدمعاش کھلے عام اسلحہ لہراتے ہوئے رقم کا مطالبہ کررہے ہیں۔
گیا میں ایک ایسا ہی ویڈیو وائرل ہواہے جہاں ایک بدمعاش کنسٹرکشن کمپنی کے سائڈ پر ہاتھ میں دیسی طمنچہ لئے ہوئے پہنچتا ہے اور کام بند کرنے کو کہتا ہے ۔ ویڈیو میں صاف نظر آرہا ہے کہ سرخ ٹی شرٹ پہنے بدمعاش ہاتھ میں اسلحہ لیکر وہاں موجود مزدوروں کو ڈرانے کی کوشش کر رہا ہے۔
حالانکہ اس دوران مزدوروں نے ہمت دیکھاتے ہوئے ویڈیو بنالیا، پولیس کو یہ ویڈیو دی گئی ہے ۔پولیس اس معاملے کی تحقیقات میں مصروف ہے ۔پولیس نے تفتیش تک کیمرے کے سامنے بات کرنے سے انکار کیا ہے اور کہا ہے کہ سبھی پہلوں پر پولیس تفتیش کررہی ہے۔
وہیں کنسٹرکشن کمپنی کے مالک وکاس کمار نے چاکند تھانے میں ایف آئی آردرج کرائی ہے ۔ وکاس کمارنے کہاکہ ان سے دس لاکھ روپئے کی رقم کامطالبہ کیا گیاتھا، بدمعاش نے جان سے مارنے کی بھی دھمکی دی تھی ۔
انہوں نے مزید بتایا کہ پولیس سے شکایت کرنے کے بعد بدمعاش انکے سائڈ پر پہنچ کر مزدوروں کے ساتھ مارپیٹ بھی کی ۔انہوں نے کہاکہ گزشتہ ڈیڑھ سال سے بدمعاشوں کے ذریعے انہیں پریشان کیا جارہاہے
