ٹوکیو: جاپان کو کورونا وائرس کی آٹھویں لہر کا سامنا ہے۔ محکمہ صحت کے حکام کا کہنا ہے کہ جاپان میں ایک دن میں کورونا وائرس کے 206,943 نئے کیسز درج ہوئے ہیں جو کہ اب تک ریکارڈ کیے جانے والے کیسز کی سب سے زیادہ تعداد ہے۔Covid Cases in Japan
پہلی بار 25 اگست کو ملک میں ایک ہی دن میں 2 لاکھ سے زیادہ کیسز درج کیے گئے۔ ژنہوا خبر رساں ایجنسی نے وزارت صحت کے حوالے سے بتایا کہ یہ ایک ہفتہ پہلے اسی دن 16,100 نئے کیسز درج کیے گئے تھے۔
وزارت صحت نے بدھ کے روز کہا کہ کل متاثرہ افراد میں سے ٹوکیو نے 21,186 نئے کیسز کی تصدیق کی ہے۔ اعداد و شمار کے مطابق ٹوکیو میں مسلسل دوسرے دن یہ تعداد 20 ہزار نئے انفیکشن سے تجاوز کر گئی جب کہ بدھ کو بھی دارالحکومت میں کورونا سے 20 افراد ہلاک ہوئے۔
وزارت نے کہا کہ منگل کو ٹوکیو میں انتہائی شدید بیمار افراد کی تعداد سات سے بڑھ کر 44 ہوگئی۔ ان مریضوں کا علاج آئی سی یو میں جاری ہے۔ وزارت نے بتایا کہ جاپان کے صوبے اوساکا میں 12 ہزار 225، کاناگاوا میں 11 ہزار 833، ایچی میں 12 ہزار 894 اور سائیتاما صوبے میں 10 ہزار 989 کیسز درج کیے گئے ہیں۔ دریں اثنا، جنوبی ہونشو کے توتوری پریفیکچر میں کورونا وائرس کے 1,582 نئے کیس رپورٹ ہوئے ہیں۔
