سابق امریکی صدر ڈونلڈ ٹرمپ کے مطابق ان کے فلوریڈا والے گھر میں امریکہ ایجنسی ایف بی آئی نے چھاپہ مارا اور اس کاروائی کے دوران اہلکاروں نے گھر میں موجود ایک سیف کو توڑدیا۔ F.B.I. Searches Trump’s Private Residence in Florida
انہوں نے کہا کہ پام بیچ کے مقام پر واقع ان کے گھر مار۔ا۔لاگو اسٹیٹ پر چھاپہ ماری کے دوران بڑی تعداد میں ایف بی آئی کے اہلکاروں موجود تھے اور علاقے کو گھیرے میں لے لیا تھا۔
اطلاعا کے مطابق تلاشی کاروائی مبینہ طور پر ڈونلڈ ٹرمپ کے سرکاری کاغذات کے استعمال سے متعلق تحقیقات سے جڑی ہے۔ ڈونلڈ ٹرمپ کے خلاف سرکاری اداروں کی جانب سے کی جارہی جانچ میں اس وقت ڈرامائی طور پر اضافہ دیکھا گیا جب ان کی جانب سے 2024 میں ممکنہ طور پر تیسری مرتبہ صدارتی انتخاب کی تیاری کی گئی۔
محکمہ انصاف نے اس کاروائی پر تبصرہ کرنے سے انکار کر دیا، جس کے بارے میں ٹرمپ نے ایک بیان میں کہا کہ “ایف بی آئی ایجنٹوں کا ایک بڑا گروپ” اس میں ملوث ہے۔ واشنگٹن میں ایف بی آئی کے ہیڈکوارٹر اور میامی میں اس کے فیلڈ آفس دونوں نے تبصرہ کرنے سے انکار کردیا۔
یہ بھی پڑھیں: Killing of four Muslims in New Mexico: نیومیکسکو میں چار مسلمانوں کا قتل، امریکی صدر جو بائیڈن کی مذمت
ٹرمپ نے مزید کہا کہ “متعلقہ حکومتی اداروں کے ساتھ تعاون کرنے کے بعد میرے گھر پر غیرضروری چھاپہ ماری کرنا نامناسب ہے‘۔ چھاپے کے وقت ٹرمپ اسٹیٹ میں نہیں تھے۔
