جرمن چانسلر انجیلا مرکل نے امریکہ کے نومنتخب صدر جو بائیڈن سے گفتگو کی اور مستقبل قریب میں جرمنی کے امریکہ کے ساتھ رشتے مزید گہرے ہونے کی امید ظاہرکی۔
جرمنی کی کابینہ کے ترجمان اسٹیفن سیئبرٹ نے یہ اطلاع دی۔ انہوں نے بتایا کہ انجیلا مرکل نے جو بائیڈن سے ٹیلیفون پر بات چیت کی۔
انہوں نے کہا کہ ’’وفاقی چانسلر انجیلا مرکل نے آج نو منتخب امریکی صدر جو بائیڈن سے ٹیلیفون پر بات کی۔ اس دوران انہوں نے جو بائیڈن کے ساتھ ساتھ نائب صدر کے عہدے کے لئے منتخب کملا ہیرس کو بھی مبارکباد پیش کی۔ بات چیت کے دوران انجیلا مرکل نے دونوں ممالک کے مابین تعلقات کو مزید مستحکم کرنے کی امید ظاہر کی‘‘۔
انہوں نے بتایا کہ بات چیت کے دوران دونوں رہنماؤں نے عالمی چیلنجوں کا مقابلہ کرنے کے لئے باہمی تعاون پر اتفاق کیا۔
واضح ہو کہ امریکہ میں انتخابات کے بعد سے لگاتار مخلتف ممالک کے سربراہ جوبائیڈن اور کملا ہیرس کو مبارکباد دے رہے ہیں۔
