کورونا وائرس سے چین کے بعد سنگاپور، جاپان اور ایران میں لوگ متاثر ہو رہے ہیں، ایران کے نائب وزیر صحت ایرج ہررچی نے پیر کے روز کورونا وائرس سے متعلق صحافیوں سے بات کی، اس دوران وہ بیمار نظر آرہے تھے۔
وہیں دوسرے دن انہوں نے سماجی رابطے کی ویب سائٹ پر ایک ویڈیو ریلیز کی جس میں انہوں نے کہا کہ وہ کرونا وائرس سے متاثر ہیں۔
انہوں نے مزید کہا 'ان کا علاج چل رہا ہے، ایران میں کورونا وائرس سے جلد نمٹ لیا جائے گا'۔
ایران میں ابھی تک کورونا وائرس سے متاثرین کی تعداد 95 تک پہنچ گئی ہے، وہیں اندیشہ لگایا جا رہا ہے کہ کورونا وائرس کے متاثرین کی تعداد اس سے کافی زیادہ ہے۔
عالمی ادارہ صحت نے کووڈ 19 کیسز میں اضافے کو لے کر کہا کہ وہ اس پر گہرائی سے دیکھ ریکھ کر رہے ہیں۔
یہ بھی پڑھیے
دہلی فسادات: 18 افراد کی موت، 200 سے زائد زخمی
دہلی فساد اور شاہین باغ پر آج سماعت
گذشتہ کل امریکی سیکریٹری مائک پومپیو نے کہا تھا کہ ایران کورونا وائرس متاثرین کی تعداد کو چھپا رہا ہے اور انہوں نے سبھی ملکوں سے اپیل کی تھی کہ کورونا وائرس کی اصل تعداد بتائی جائے۔
دنیا بھر میں کووڈ 19 متاثرین کی تعداد 80،000 تک پہنچ گئی ہے جبکہ 2700 افراد اس بیماری کی وجہ سے ہلاک ہو گئے ہیں۔
ایران میں تین جگہوں پر کورونا وائرس کے کیسز سامنے آئے ہیں، جن میں تحران، گیلان، قوم شامل ہیں، ان سب علاقوں میں سے قوم میں 34 کیسز سامنے آئے ہیں۔
