کرغیزستان میں جمعرات کو کورونا وائرس کے 28 نئے مریضوں کی تصدیق کے ساتھ ہی متاثرہ افراد کی تعداد 1899 پہنچ گئی۔
کرغیزستان کے نائب وزیر صحت نور اوزین بائیف نے کہا کہ زیادہ تر نئے مریض پہلے ہی سے طبی نگرانی میں ہیں۔ ان میں سے سات مریضوں کے ذرائع کے بارے میں پتہ نہیں چل سکا ہے۔ نئے مريضوں میں سات طبی عملہ شامل ہیں۔ اس کے ساتھ ہی متاثرہ طبی عملے کی تعداد بڑھ کر 372 ہوگئی ہے۔ ان میں سے 270 طبی کارکنوں کو انفیکشن ہوا ہے۔
پچھلے 24 گھنٹوں کے دوران 27 مزید مریضوں کی شفایابی کے بعد صحت یاب ہونے والے لوگوں کی تعداد 1292 ہوگئی ہے۔ اس وقت ملک کے اسپتالوں میں 587 مریض زیر علاج ہیں۔ ان میں سے تین کو انتہائی نگہداشت یونٹ میں رکھا گیا ہے۔
ملک میں متاثرہ مریضوں کے ساتھ رابطے میں آنے والے 1953 افراد کی نگرانی کی جا رہی ہے، جبکہ 7905 افراد کو گھروں میں علیحدہ رکھا گیا ہے جس کی نگرانی ڈاکٹروں کے ذریعہ کی جا رہی ہے۔
کرغیزستان میں گزشتہ 24 گھنٹوں کے دوران کورونا سے کسی کی موت واقع نہیں ہوئی ہے اور ملک میں کورونا سے مرنے والوں کی تعداد 20 ہے۔
