برازیل کے صدرمیں کورونا کی علامات

برازیل کے صدر زائر بولسنارو نے ٹیلی ویژن چینل کے ایک انٹرویو میں کہا ہے کہ ان میں کورونا وائرس کی علامات موجود ہیں۔

ٹیلی ویژن چینل سی این این برازیل نے بولسنارو کے حوالے سے بتایا ہے کہ 65 سالہ صدر کے جسمانی درجہ حرارت 38 ڈگری سینٹی گریڈ اور خون میں آکسیجن کی سطح 96 فیصد ہے۔ انہوں نے میٹنگز منسوخ کردی ہیں اوروہ ہائیڈروکسی کلورو کوین لے رہے ہیں۔

برازیل کی وزارت صحت نے کہا ہے کہ گزشتہ 24 گھنٹوں کے دوران ملک میں کورونا وائرس کی وجہ سے 620 مریضوں کی موت کے بعد مرنے والوں کی تعداد بڑھ کر 65،487 ہوگئی ہے۔ وزارت کے مطابق کورونا کے 20،229 نئے کیسز سامنے آنے سے متاثرین کی تعداد بڑھ کر 1623284 ہوگئی ہے ۔ ملک میں اب تک 927292 افراد انفیکشن سے بازیاب ہوچکے ہیں۔

ورلڈ ہیلتھ آرگنائزیشن (ڈبلیو ایچ او) نے 11 مارچ کو کورونا انفیکشن کو وبائی مرض قرار دیا تھا۔