حیدرآباد: بالی ووڈ فلموں میں ویلن کا کردار ادا کرنے والے اداکار شکتی کپور کے بیٹے سدھانت کپور کو حال ہی میں بنگلور پولیس نے ایک پارٹی سے حراست میں لیا تھا اور ان پر الزام تھا کہ انہوں نے منشیات کا استعمال کیا ہے۔ تاہم اس معاملے میں اداکار شکتی کپور کے بیٹے کو ضمانت مل گئی ہے۔ وہیں ضمانت ملنے کے بعد سدھانت کپور نے ایک سیلفی شیئر کی ہے۔ یہ سیلفی فلائٹ کے اندر لی گئی ہے۔اس سیلفی میں سدھانت کے ساتھ ایک لڑکی بھی نظر آرہی ہے۔ Siddhanth Kapoor Drug Case
سیلفی میں سدھانت اور اس لڑکی نے ماسک لگایا ہوا ہے جس کی وجہ سے یہ معلوم نہیں ہوسکا ہے کہ یہ لڑکی کون ہے۔ لیکن اس تصویر سے یہ صاف معلوم ہورہا ہے کہ سدھانت بنگلور سے ممبئی واپس آ رہے ہیں۔ سیلفی میں سدھانت اور لڑکی کے درمیان نزدیکی دیکھی جا سکتی ہے۔ اس سیلفی کو شیئر کرتے ہوئے سدھانت نے ہاتھ جوڑے والا اور دل والا ایموجی شیئر کیا ہے۔ Siddhanth Kapoor Shares Selfie After Getting Bail
اس سیلفی پر سوشل میڈیا صارفین نے جم کر سدھانت کو ٹرولز کیا ہے۔ ایک صارف نے لکھا کہ 'پوری انڈسٹری منشیات لیتی ہے'۔ ایک اور صارف نے لکھا کہ 'آپ کو لکھنا چاہیے تھا کہ بال بال بچ گئے'۔ وہیں ایک سوشل میڈیا صارف نے لکھا کہ ' کیسے سے بچ کر کہاں جا رہے ہو'۔
واضح رہے کہ بنگلور پولیس کے مطابق سدھانت کی میڈیکل رپورٹ میں منشیات لینے کی تصدیق ہوئی تھی، جس کے بعد اداکار کو گرفتار کیا گیا تھا، اس کے ساتھ ہی انہیں عدالتی حراست میں بھیجنے کی بھی بات ہوئی تھی۔
اس پورے معاملے میں شکتی کپور نے کہا تھا کہ 'میں اس بارے میں کچھ نہیں جانتا، میں سو رہا تھا اور میرا فون مسلسل بج رہا تھا'۔ ان کا مزید کہنا تھا کہ ان کے بیٹے کو حراست میں لیا گیا ہے گرفتار نہیں کیا گیا۔ مجھے نہیں لگتا کہ منشیات سے متعلق کوئی چیز ہے، مجھے ان خبروں سے دکھ ہوا ہے۔
مزید پڑھیں:Siddhanth Kapoor Released on Bail: منشیات معاملے میں سدھانت کپور کو ضمانت ملی
واضح رہے کہ سال 2020 میں اداکار سشانت سنگھ راجپوت کی موت کے بعد بالی ووڈ میں منشیات کے تئیں بڑھتے رجحان کو لے کر کئی خبریں سامنے آئی ہیں۔ سشانت سنگھ راجپوت معاملے میں شکتی کپور کی بیٹی اور اداکارہ شردھا کپور سے بھی این سی بی نے پوچھ گچھ کی تھی۔
