کورونا ایس او پیز پرعمل نہ کرنے سے لاک ڈاؤن کی نوبت آسکتی ہے: ڈی سی سرینگر

سرینگر میں حالیہ چند دنوں سے کووڈ معاملات میں اضافے کو دیکھنے کو ملا ہے۔ اس کے پیش نظر ضلع انتظامیہ سرینگر نے کورونا وائرس کی روک تھام کے لیے سبھی کا تعاون طلب کیا ہے۔

ضلع ترقیاتی کمشنر سرینگر محمد اعجاز اسد نے منگل کے روز تاجروں اور نجی کلنیکس کے نمائندوں کے ساتھ ایک ہنگامی میٹنگ کی جس میں انہوں نے سبھوں کا تعاون طلب کیا۔ ڈی سی نے تاجروں پر زور دیا کہ کورونا کے رہنما خطوط پر عمل پیرا رہیں اور گاہکوں کو بھی اس کا پابند بنائیں۔

انہوں نے کہا اگر کووڈ کیسز میں اضافہ ہوتا ہے تو پھر سے لاک ڈاؤن لگانے کی نوبت آسکتی ہے۔

واضح رہے جموں وکشمیر میں روزانہ کووڈ 19 مثبت معمالات میں 55 سے 60 فیصد کورونا معاملات صرف سرینگر سے ہی سامنے آرہے ہیں،جس کے نتیجے میں سرینگر کے 22 سے زائد علاقوں کو کنٹیمنٹ زون میں تبدیل کردیا گیا ہے۔

ہم آپ کو بتا دیں جموں و کشمیر میں آج کورونا وائرس کے 145 نئے مثبت معاملے سامنے آئے، جن میں صوبے جموں سے24 جبکہ کشمیر سے 121 معاملے درک کئے گے۔جبکہ 02 اموات بھی درج کئے گے۔