بڈگام: جموں و کشمیر کے ضلع بڈگام کے ڈی ڈی سی چیئر مین نذیر احمد خان کا کہنا ہے کہ بڈگام میں ترقیاتی سرگرمیاں زور و شور سے جاری ہیں۔انہوں نے ای ٹی وی بھارت سے خصوصی بات چیت کرتے ہوئے کہا بڈگام میں فلاح و بہبود کی سرگرمیاں جاری ہیں، حالانکہ دوسری جانب لوگوں کا الزام ہے کہ نذیر احمد خان نے صرف بیروہ میں ہی ترقیاتی کام انجام دیے ہیں۔ Nazir Ahmed Khan reviewed the development works
جب نذیر احمد خان سے اس الزام کے تعلق سے سوال کیا گیا تو انہوں نے جواب دیا یہ الزم بے بنیاد ہے،صرف بیروہ میں ہی کام نہیں ہورہا ہے بلکہ پورے ضلع میں ترقیاتی کام جاری ہیں۔
انہوں نے کہا کہ ضلع کے لوگوں کو بہت جلد نیا اسپتال ملے گا، اور اس کے لئے تمام تر تیاریاں مکمل ہوچکی ہیں۔ انہوں نے کہا کہ بڈگام میں آگے بھی بہت سارے ترقیاتی کام ہونگےاور لوگوں کو سہولت فراہم ہوگی۔
مزید پڑھیں:DDC Budgam calls on Lt Governor چیئرپرسن ڈی ڈی سی بڈگام کی لیفٹیننٹ گورنر سے ملاقات
سڑکوں کی مرمت اور میکڈمائزیشن کے حوالے سے بات کرتے ہوئے کہا کہ بڈگام کی سڑکوں کو ٹھیک کیا جارہا ہے اور ہمہامہ بڈگام روڈ کو بھی بہت جلد ٹھیک کیا جائے گا۔
