اس موقع پر جن ادھیکار پارٹی کے ضلع صدر امتیاز انیس عرف لڈو نے کہا کہ ایک طرف جہاں بہار کی عوام نتیش حکومت کی من مانی سے پریشان ہے وہیں بہار حکومت تمام محاذ پر ناکام ثابت ہو رہی ہے۔
انہوں نے کہا کہ آج صرف ارریہ ہی نہیں بلکہ پورے بہار میں جرائم اپنے شباب پر ہے۔ آئے دن لوگوں کو دن دہاڑے قتل کیا جا رہا ہے، لوٹ مار کا بازار گرم ہے، جرائم پیشوں کے حوصلے اس قدر بلند ہیں جو صرف عوام ہی نہیں بلکہ عوامی نمائندوں کو بھی نہیں بخش رہی، جب رہنماؤں کو نہیں بخشا جا رہا تو عوام کی حفاظت کیسے ہوگی۔ امتیاز انیس نے کہا کہ نتیش حکومت لاکھ اپنی پیٹھ تھپتھپا لے مگر حقیقت یہی ہے عوام اس وقت اس حکومت میں بدحال اور پریشان ہے
جن ادھیکار پارٹی کے ریاستی یونٹ کے رکن پرنس وکٹر نے کہا کہ پپو یادو کی ہمیشہ سے ایک منشاء رہی ہے کہ غریب عوام کا حق کسی طرح نہ مارا جائے مگر آج ریاستی حکومت کے ذریعہ غریب اور مظلوم عوام کو جس طرح پریشان کر رہی ہے اس کا جواب آنے والے انتخاب میں عوام ضرور دے گی۔
انہوں نے کہا آج ارریہ میں جرائم پر کسی طرح کا کنٹرول نہیں ہے، بدعنوانی ہر جگہ پر ہے۔ کوئی کام بغیر رشوت کے نہیں ہوتا۔ پھر بھی نتیش حکومت کہتی ہے بہار میں بہار ہے۔ نتیش حکومت کے کارنامے کو جن ادھیکار پارٹی پنچایت و بلاک سطح سے ہر فرد تک پہنچائے گی۔ اس موقع پر رحمت علی، نیدھی موسم، شہباز عالم، سوشل راہی، عبدالوہاب، کنال آنند وغیرہ نے بھی لوگوں سے خطاب کیا۔
