مسلم بہنوں کی ضیافت غیر مسلم بہنوں نے کی

نفرت کی سیاست جہاں دلوں کو توڑنے، خوفزدہ کرنے اور وسوسوں میں مبتلا کرنے پر تُلی ہے۔ وہیں اس ملک میں ایک دوسرے کا درد بانٹنے، ظلم و زیادتی کے خلاف آواز بلند کرنے اورمحبت کے پیغام کو عام کرنے والوں کی بھی کمی نہیں، ایسا ہی ایک حوصلہ افزا نظارہ اورنگ آباد کے شاہین باغ میں دیکھنے کو ملا جہاں احتجاج پر ڈٹی مسلم بہنوں کی ضیافت غیر مسلم بہنوں نے کی۔ وہ کیسے دیکھیے یہ رپورٹ۔۔۔

اورنگ آباد کی خواتین پچھلے ایک مہینے سے دہلی کے شاہین باغ کی حمایت میں ڈٹی ہوئی ہیں، غیر مسلم خواتین کا بھی یہاں تانتا بندھا ہوا ہے لیکن شہر کے روہیداس سماج نے دو قدم آگے بڑھ کر اپنی مسلم بہنوں کے لیے ضیافت کا انتظام کیا، دوپہر کے وقت شاہین باغ میں بیٹھیں سینکڑوں خواتین اور طالبات کی پوری بھاجی سے ضیافت کی گئی، وہ بھی پورے اہتمام کے ساتھ اور اس بات کا بھی خیال رکھا گیا کہ بے پردگی نہ ہونے پائے۔

سات جنوری کو جب اورنگ آباد کے چند غیور نوجوانوں نے دہلی کے شاہین باغ کی حمایت میں زنجیری ہڑتال شروع کی تھی اس وقت کسی کے وہم وگمان میں بھی نہیں تھا کہ یہ احتجاج ایک تحریک کی شکل اختیار کرلے گا، پہلے دن سے ہی باپردہ خواتین اور طالبات نے اپنے بھائیوں کی آواز پر لبیک کہا اورنگ آباد کا شاہین باغ اب آپسی اتحاد کی علامت بن کر ابھرا ہے ، روہیداس سماج کی بہنوں کی ضیافت پر مسلم خواتین نے کچھ اس انداز میں ستائش کی ۔

مسلم بہنوں کی ضیافت غیر مسلم بہنوں نے کی

دہلی کے شاہین باغ کو آباد رکھنے کے لیے ایک سکھ بھائی اپنا فلیٹ فروخت کردیتا ہے تو اورنگ آباد کے شاہین باغ کی بہنوں کے لیے غیر مسلم بہنیں آگے

مسلم بہنوں کی ضیافت غیر مسلم بہنوں نے کی

آتی ہیں، شاید اسی کو حقیقی ہندوستان کہتے ہیں ۔