مہاراشٹر کے احمد نگر سول ہسپتال میں ہفتہ کی صبح شارٹ سرکٹ کی وجہ سے آگ لگنے سے دس مریضوں کی موت ہوگئی اور دس سے زیادہ مریض زخمی ہو گئے۔
حادثے پر رنج و غم کا اظہار کرتے ہوئے کووند نے ٹویٹ کیا کہ ’مہاراشٹر کے احمد نگر کے سول اسپتال میں آگ لگنے سے جانوں کے ضیاع کے بارے میں سن کر بہت دکھ ہوا۔ میں سوگوار کنبوں کے تئیں دلی تعزیت کا اظہار کرتا ہوں اور حادثے میں زخمی ہونے والوں کی جلد صحت یابی کا آرزومند ہوں‘۔
یہ بھی پڑھیں:
Ahmednagar Fire: احمد نگر کے اسپتال میں آگ لگنے سے 11 افراد ہلاک
وزیر اعظم مودی اور وزیر داخلہ شاہ نے بھی حادثے میں مریضوں کی موت پر رنج و غم کا اظہار کیا ہے۔ وزیراعظم نے ہلاک افراد کے اہل خانہ سے تعزیت کا اظہار کیا اور زخمیوں کی جلد صحت یابی کی دعا کی۔
وزیر داخلہ امت شاہ نے کہا کہ ’’مہاراشٹر کے احمد نگر کے سول اسپتال میں پیش آنے والے دل دہلا دینے والے حادثے سے انتہائی غمزدہ ہوں۔ غم کی اس گھڑی میں سوگوار خاندانوں کے ساتھ میری دلی تعزیت ہے اور میں زخمیوں کی جلد صحت یابی کے لیے ایشور سے دعاگو ہوں۔‘‘
یو این آئی
