امروہہ: چوری کی موٹرسائیکل سمیت تین چور گرفتار

امروہہ ضلع کی نوگاوا سادات تھانہ پولیس نے گاڑی چور گروہ کو بے نقاب کیا ہے ساتھ ہی تین گاڑی چوروں کو گرفتار کیا ہے۔ پولیس نے ان کے پاس سے چوری کی دو موٹرسائیکل کے علاوہ ایک غیر قانونی اسلحہ بھی برآمد کیا ہے۔

ریاست اترپردیش کے ضلع امروہہ کے نوگاوا سادات تھانہ پولیس کو بڑی کامیابی ملی ہے۔ نوگاوا سادات پولیس نے موٹرسائیکل چوری کے واقعات کا انکشاف کرتے ہوئے موٹرسائیکل اور غیر قانونی اسلحہ کے ساتھ تین شاطر چوروں کو گرفتار کیا ہے۔

ایڈیشنل سپرنٹنڈنٹ پولیس اجے پرتاپ سنگھ نے اس تعلق سے کہا کہ' ایک طویل عرصے سے پولیس کی ٹیم موٹرسائیکل چوری کے واقعات کو انجام دینے والے گینگ کا انکشاف کرنے میں مصروف تھی، جس کے بعد پولیس نے تین شاطر گاڑی چوروں کو گرفتار کر کامیابی حاصل کی ہے۔

انہوں نے کہا کہ' ان چوروں کے پا س سے چوری کی دو موٹرسائیکل کے علاوہ ایک غیر قانونی اسلحہ بھی برآمد ہوا ہے۔ پکڑے گئے تمام چوروں کے خلاف پہلے بھی مجرمانہ مقدمات درج ہیں۔