مغربی بنگال سمیت پانچ ریاستوں کے اسمبلی انتخابات کی تاریخوں کا اعلان ہوتے ہوئے سیاسی جماعتیں ووٹرز کو اپنی طرف راغب کرنے میں مصروف ہے، اقتدار کو پانے کے لیے سیاسی جماعتیں ہر ہتھکنڈے اپنا رہی ہیں۔ متنازع بیان دینے کے لیے مشہور یوگی آدتیہ ناتھ نے مالدہ ریلی سے خطاب کرتے ہوئے درندازی، سی اے اے، این آر سی سمیت متعدد امور پر اکثریتی طبقے کو اپنے دام میں کرنے کی کوشش کی ہے۔
انہوں نے اپنے خطاب میں کہا کہ' بنگال میں دھوکے سے ' لوجہاد' کی واردات کو انجام دیا جارہا ہے، ہم نے اترپردیش میں لو جہاد پر قانون بنادیا، یہ نہ تو گئو اسمگلنگ کو روک سکی ہیں (ممتا بنرجی کی طرف اشارہ) اور نہ ہی ' لوجہاد' کے معاملات کو روکنے میں کامیاب ہوئی ہیں'۔
اس موقعے پر انہوں نے ٹی ایم سی پر متعدد الزامات لگائے، انہوں نے ٹی ایم سی پر بدعنوانی کا بھی الزام عائد کیا۔
انہوں نے کہا کہ' وزیر اعظم کی قیادت میں ایودھیا میں رام مندر کے لیے راہ ہموار ہوئی اور اب ایودھیا میں رام مندر تعمیر ہو رہی ہے'۔
انہوں نے کہا کہ مغربی بنگال میں حکومت کی پشت پناہی میں تشدد ہورہا ہے۔
سی ایم یوگی نے کہا کہ ترنمول کانگریس کی حکومت بنگال میں انتشار پیدا کر رہی ہے۔
انہوں نے کہا کہ بنگال میں آج ملک کی سلامتی کو بھی چیلنج کیا جارہا ہے۔
