اتر پردیش میں کورونا وائرس کے مریضوں کی تعداد میں مسلسل اضافہ ہورہا ہے۔ جمعرات کو 82 کورونا کے نئے مریض سامنے آئے ہیں۔
ان نئے مریضوں کی فہرست آگرہ میں 167، لکھنؤ میں 100، غازی آباد میں 28، نوئیڈا میں 92، لکھیم پور کھیری میں 4، کانپور نگر میں 22، موڑ آباد میں 21، وارانسی میں 9، شاملی میں 22، جونپور میں 5، باغپت میں 5 ہیں۔
میرٹھ میں 15، 69، بریلی میں 6، بلندشہر میں 12، بستی میں 16، ہاپور میں 15، غازی پور میں 5، اعظم گڑھ میں 6 مریض ہیں۔
وہیں آگرہ سے 10، غازی آباد سے 7، نوئیڈا سے 25، لکھنؤ سے 6، کانپور سے 1، شاملی سے 1، پیلی بھیت سے 2، لکھیم پور کھیری سے 1، مرادآباد سے 1، بریلی سے 2 اور میرٹھ 14 اور ہاتراس سے 4 مریض سمیت 74 افراد صحتمند اور اسپتال سے فارغ ہوچکے ہیں۔
ریاست بھر سے اب تک 8738 افراد میں کورونا وائرس جیسی علامات پائی گئیں ہیں۔ اسی کے ساتھ مجموعی طور پر 21384 نمونے کورونا وائرس کی جانچ کے لئے بھیجے گئے ہیں۔ جن میں سے 20374 نمونے کی رپورٹیں منفی آئیں۔
ریاست میں 10714 افراد کو ادارہ جاتی قرنطین میں رکھا گیا ہے۔ وہیں 51194 افراد نے 28 دن کی مشاہدہ کی مدت پوری کرلی ہے۔
ریاست میں اب تک 13 اموات ہوچکی ہیں، جن میں میرٹھ، وارانسی، بستی، بلندشہر، کانپور میں ایک ایک، مرادآباد میں 2 اور آگرہ میں 5 افراد کورونا وائرس کی وجہ سے فوت ہوئے ہیں۔
