جمعیۃ علماء شہر کانپور کے صدر ڈاکٹر حلیم اللہ خاں کی سرپرستی اور اتر پردیش کے نائب صدر امین الحق عبداللہ کی قیادت میں جمعیۃ علماء کانپور کی جانب سے 18 دسمبر سے 24 دسمبر تک چلائی جانے والی نشہ مخالف مہم Jamiat Anti-Drug Campaign in Kanpur 'نشہ مکت شہر نشہ مکت سماج مہم ‘ کے تحت پورے شہر کے الگ الگ علاقوں میں نشہ مخالف ریلی نکالی جارہی ہیں جس کی قیادت علماء کرام کر رہے ہیں۔
آج اسی سلسلے میں کانپور کے مسلم اکثریت والے علاقہ بیگم گنج اور طلاق محل علاقہ میں ریلی نکالی گئی جو کانپور کا یتیم خانہ شاہراہ پر ختم ہوئی۔
ریلی میں علمائے کرام عوام کو نشہ کے خلاف بیدار کیا اور نشہ سے ہونے والے نقصانات کے بارے میں بھی لوگوں کو آگاہ کیا۔
جمعیت علماء ہند کی نشہ مخالف ریلی کا آغاز جمعیت علماء اترپردیش کے سابق صدر مرحوم مولانا متین الحق اسامہ قاسمی صاحب نے کیا تھا۔
آج اسی سلسلے کو جاری رکھتے ہوئے علمائے کرام اور ان کے شاگرد اس کو آگے بڑھا رہے ہیں۔ اس مہم سے عوام میں بیداری بھی پیدا ہو رہی ہے۔
