ریاست کرناٹک کےضلع گلبرگہ میں واقع درگاہ خواجہ دکن حضرت خواجہ بندہ نواز گیسو دراز کے احاطہ میں ماہ صیام کے موقع زائرین اور ہاسٹلوں میں مقیم طلبا کے لئے گزشتہ 13سالوں سے سحری کا اہتمام کیا جارہا ہے۔ زائرين اور طلبا کے لئے ایک ماہ تک زین الدین شیرنی فروش کی نگرانی میں روضہ مارکیٹ نوجوانوں کے ایک گروپ کی جانب سے سحری اہتمام کیا جا تا ہے۔ Arrangement of Sehri for Students and Visitors
اس موقع پر زین الدین نے ای ٹی وی بھارت سے بات چیت میں کہا کہ گزشتہ تیرہ سالوں سے ماہ رمضان المبارک کے موقع پر سحری کا مسلسل اہتمام کیا جا تا ہے تاکہ یہاں پر آنے والے زائرین اور ہاسٹلوں میں مقیم طلبہ کو سحری میں پریشانیوں کا سامنا نہ کرنا پڑے۔
اسی مقصد کے تحت کئی نوجوان اس کام کو انجام دیتے ہیں، یہاں پر روزانہ سحری کے لئے الگ الگ پکوان بنایا جاتا ہے، رات تین بجے سے ہی دسترخوان بچھا دیا جاتا ہے۔ خواتین و مرد حضرات سحری کرتے ہیں۔ انہوں نے مزید کہا کہ یہاں پر سینکڑوں افراد روزانہ سحری کرتے ہیں۔
